តើអក្សរកាត់ ភីអិលស៊ី (Plc.) ឬ ខូអិលធីឌី (Co., Ltd.) ដែលគេនិយមសរសេរនៅខាងចុងឈ្មោះក្រុមហ៊ុននោះមានអត្ថន័យដូចម្តេច?
រសិនបើលោកអ្នកធ្វើការចាប់អារម្មណ៍ទៅលើឈ្មោះក្រុមហ៊ុននានានៅលើដងផ្លូវ
នោះលោកអ្នកនឹង ឃើញមានការសរសេរជាអក្សរកាត់នូវពាក្យថា ភីអិលស៊ី
(Plc.) ឬ ខូអិលធីឌី (Co., Ltd.) នាផ្នែកខាងចុងនៃ
នាមករណ៍របស់ក្រុមហ៊ុននីមួយៗ
ហើយមានក្រុមហ៊ុនខ្លះទៀតសរសេរនូវអក្សរកាត់ផ្សេងៗដូចជា ក.អ
លីមីតធីត ឯ.ក ឬ ចំកាត់ ជាដើម។ នៅក្នុងអត្ថបទនេះ
លោកអ្នកនឹងបានស្វែងយល់នូវអត្ថន័យនៃអក្សរកាត់ទាំងនោះ ដែលវា
គឺជាមូលដ្ឋានក្នុងការកំណត់អំពីទម្រង់
ឬក៏ប្រភេទនៃក្រុមហ៊ុនទាំងនោះ។
ច្បាប់ស្តីពីសហគ្រាសពាណិជ្ជកម្មរបស់ប្រទេសកម្ពុជា បានបែងចែកក្រុមហ៊ុនដែលចុះបញ្ជីដើម្បីប្រកប ពាណិជ្ជកិច្ចនៅក្នុងប្រទេសកម្ពុជា ជាពីរទម្រង់ធំៗ គឺក្រុមហ៊ុនសហកម្មសិទ្ធិ និង ក្រុមហ៊ុនមូលធន។ ជាក់ស្តែង នៅក្នុងប្រទេសកម្ពុជាយើង ទម្រង់នៃក្រុមហ៊ុនមូលធនគឺជាទម្រង់ដ៏ពេញនិយមមួយដែលពាណិជ្ជករទាំងខ្មែរ និង បរទេសនិយមប្រើប្រាស់ដើម្បីធ្វើអាជីវកម្ម។ ក្រុមហ៊ុនមូលធនបែងចែកចេញជាពីរប្រភទគឺ ក្រុមហ៊ុនឯកជនទទួល ខុសត្រូវមានកម្រិត និង ក្រុមហ៊ុនមហាជនទទួលខុសត្រូវមានកម្រិត។
ច្បាប់ស្តីពីសហគ្រាសពាណិជ្ជកម្ម កំណត់ថានាមករណ៍របស់ក្រុមហ៊ុនឯកជនទទួលខុសត្រូវមានកម្រិត ត្រូវដាក់នូវពាក្យថា “ក្រុមហ៊ុនឯកជនទទួលខុសត្រូវមានកម្រិត” ឬសរសេរជាអក្សរកាត់នៅខាងចុង ឬនៅខាង ក្រោមនៃនាមករណ៍នោះ។ ដូចគ្នាផងដែរ ច្បាប់ដដែលនេះក៏ចែងផងដែរថា នាមករណ៍របស់ក្រុមហ៊ុនមហាជន ទទួលខុសត្រូវមានកម្រិតត្រូវដាក់នូវពាក្យ “ក្រុមហ៊ុនមហាជនទទួលខុសត្រូវមានកម្រិត” ឬសរសេរជាអក្សរកាត់ ដាក់ខាងចុង ឬខាងក្រោមនៃនាមករណ៍នោះ។ នេះគឺជាមូលដ្ឋានច្បាប់ដែលតម្រូវឱ្យក្រុមហ៊ុននីមួយៗ បញ្ជាក់អំពី ប្រភេទ ឬទម្រង់នៃក្រុមហ៊ុនរបស់ខ្លួនដោយអាចសរសេរជាអក្សរពេញ ឬអក្សរកាត់បាន។
ជាការពិតណាស់ នៅក្នុងការអនុវត្តជាក់ស្តែង ក្រុមហ៊ុនភាគច្រើនតែងតែសរសេរនូវអក្សរកាត់នៅខាងចុង នៃនាមករណ៍ក្រុមហ៊ុនរបស់ខ្លួន ដោយហេតុថាការធ្វើបែបនេះ ពួកគេអាចនៅសល់ទីទំនេរសម្រាប់សរសេរអ្វីបន្ថែម ទៀតបាន។ ពាក្យថា “ខូអិលធីឌី ឬ Co., Ltd.” គឺជាអក្សរកាត់ពីពាក្យ “ក្រុមហ៊ុនឯកជនទទួលខុសត្រូវមានកម្រិត ឬ Private Limited Company”។ ពាក់ព័ន្ធនឹងទម្រង់នេះផងដែរ មានក្រុមហ៊ុនខ្លះសរសេរអក្សរកាត់ថា ឯ.ក ឬ លីមីត ធីត ឬ ចំកាត់ (Limited) ជាដើម ដែលអក្សរកាត់ទាំងនេះគឺមានន័យដូចគ្នាទៅនឹងពាក្យថា “ខូអិលធីឌី ឬ Co., Ltd.” ផងដែរ។ ឧទាហរណ៍ ក្រុមហ៊ុន HRINC (Cambodia) Co., Ltd ក្រុមហ៊ុន Unilever (Cambodia) Limited ជាអាទិ៍។
ដោយឡែក ពាក្យថា “ភីអិលស៊ី (Plc.) ឬ ក.អ” គឺជាអក្សរកាត់នៃពាក្យ “ក្រុមហ៊ុនមហាជនទទួលខុស ត្រូវមានកម្រិត ឬ Public Limited Company” ដែលទម្រង់នៃក្រុមហ៊ុននេះត្រូវបានប្រើប្រាស់ជាទូទៅចំពោះ ក្រុមហ៊ុនដែលប្រកបអាជីវកម្មក្នុងវិស័យធនាគារ ធានារ៉ាប់ ឬ ប្រតិបត្តិការឥណទានជាអាទិ៍។ ជាឧទាហរណ៍ យើង អាចសង្កេតឃើញថា ផ្នែកខាងចុងនៃនាមករណ៍របស់ធនាគារ និង គ្រឹះស្ថានហិរញ្ញវត្ថុភាគច្រើននៅកម្ពុជា បានសរសេរនូវអក្សរកាត់ “ភីអិលស៊ី (Plc.) ឬ ក.អ”។ គ្រឹះស្ថានទាំងនោះមានជាអាទិ៍ ធនាគារអេស៊ីលីដា ភីអិលស៊ី (ACLEDA Bank Plc.) ធនាគារ កាណាឌីយ៉ា ក.អ (Canadia Bank Plc.) គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី (Ly Hour Microfinance Institution Plc.)៕
ច្បាប់ស្តីពីសហគ្រាសពាណិជ្ជកម្មរបស់ប្រទេសកម្ពុជា បានបែងចែកក្រុមហ៊ុនដែលចុះបញ្ជីដើម្បីប្រកប ពាណិជ្ជកិច្ចនៅក្នុងប្រទេសកម្ពុជា ជាពីរទម្រង់ធំៗ គឺក្រុមហ៊ុនសហកម្មសិទ្ធិ និង ក្រុមហ៊ុនមូលធន។ ជាក់ស្តែង នៅក្នុងប្រទេសកម្ពុជាយើង ទម្រង់នៃក្រុមហ៊ុនមូលធនគឺជាទម្រង់ដ៏ពេញនិយមមួយដែលពាណិជ្ជករទាំងខ្មែរ និង បរទេសនិយមប្រើប្រាស់ដើម្បីធ្វើអាជីវកម្ម។ ក្រុមហ៊ុនមូលធនបែងចែកចេញជាពីរប្រភទគឺ ក្រុមហ៊ុនឯកជនទទួល ខុសត្រូវមានកម្រិត និង ក្រុមហ៊ុនមហាជនទទួលខុសត្រូវមានកម្រិត។
ច្បាប់ស្តីពីសហគ្រាសពាណិជ្ជកម្ម កំណត់ថានាមករណ៍របស់ក្រុមហ៊ុនឯកជនទទួលខុសត្រូវមានកម្រិត ត្រូវដាក់នូវពាក្យថា “ក្រុមហ៊ុនឯកជនទទួលខុសត្រូវមានកម្រិត” ឬសរសេរជាអក្សរកាត់នៅខាងចុង ឬនៅខាង ក្រោមនៃនាមករណ៍នោះ។ ដូចគ្នាផងដែរ ច្បាប់ដដែលនេះក៏ចែងផងដែរថា នាមករណ៍របស់ក្រុមហ៊ុនមហាជន ទទួលខុសត្រូវមានកម្រិតត្រូវដាក់នូវពាក្យ “ក្រុមហ៊ុនមហាជនទទួលខុសត្រូវមានកម្រិត” ឬសរសេរជាអក្សរកាត់ ដាក់ខាងចុង ឬខាងក្រោមនៃនាមករណ៍នោះ។ នេះគឺជាមូលដ្ឋានច្បាប់ដែលតម្រូវឱ្យក្រុមហ៊ុននីមួយៗ បញ្ជាក់អំពី ប្រភេទ ឬទម្រង់នៃក្រុមហ៊ុនរបស់ខ្លួនដោយអាចសរសេរជាអក្សរពេញ ឬអក្សរកាត់បាន។
ជាការពិតណាស់ នៅក្នុងការអនុវត្តជាក់ស្តែង ក្រុមហ៊ុនភាគច្រើនតែងតែសរសេរនូវអក្សរកាត់នៅខាងចុង នៃនាមករណ៍ក្រុមហ៊ុនរបស់ខ្លួន ដោយហេតុថាការធ្វើបែបនេះ ពួកគេអាចនៅសល់ទីទំនេរសម្រាប់សរសេរអ្វីបន្ថែម ទៀតបាន។ ពាក្យថា “ខូអិលធីឌី ឬ Co., Ltd.” គឺជាអក្សរកាត់ពីពាក្យ “ក្រុមហ៊ុនឯកជនទទួលខុសត្រូវមានកម្រិត ឬ Private Limited Company”។ ពាក់ព័ន្ធនឹងទម្រង់នេះផងដែរ មានក្រុមហ៊ុនខ្លះសរសេរអក្សរកាត់ថា ឯ.ក ឬ លីមីត ធីត ឬ ចំកាត់ (Limited) ជាដើម ដែលអក្សរកាត់ទាំងនេះគឺមានន័យដូចគ្នាទៅនឹងពាក្យថា “ខូអិលធីឌី ឬ Co., Ltd.” ផងដែរ។ ឧទាហរណ៍ ក្រុមហ៊ុន HRINC (Cambodia) Co., Ltd ក្រុមហ៊ុន Unilever (Cambodia) Limited ជាអាទិ៍។
ដោយឡែក ពាក្យថា “ភីអិលស៊ី (Plc.) ឬ ក.អ” គឺជាអក្សរកាត់នៃពាក្យ “ក្រុមហ៊ុនមហាជនទទួលខុស ត្រូវមានកម្រិត ឬ Public Limited Company” ដែលទម្រង់នៃក្រុមហ៊ុននេះត្រូវបានប្រើប្រាស់ជាទូទៅចំពោះ ក្រុមហ៊ុនដែលប្រកបអាជីវកម្មក្នុងវិស័យធនាគារ ធានារ៉ាប់ ឬ ប្រតិបត្តិការឥណទានជាអាទិ៍។ ជាឧទាហរណ៍ យើង អាចសង្កេតឃើញថា ផ្នែកខាងចុងនៃនាមករណ៍របស់ធនាគារ និង គ្រឹះស្ថានហិរញ្ញវត្ថុភាគច្រើននៅកម្ពុជា បានសរសេរនូវអក្សរកាត់ “ភីអិលស៊ី (Plc.) ឬ ក.អ”។ គ្រឹះស្ថានទាំងនោះមានជាអាទិ៍ ធនាគារអេស៊ីលីដា ភីអិលស៊ី (ACLEDA Bank Plc.) ធនាគារ កាណាឌីយ៉ា ក.អ (Canadia Bank Plc.) គ្រឹះស្ថានមីក្រូហិរញ្ញវត្ថុ លី ហួរ ភីអិលស៊ី (Ly Hour Microfinance Institution Plc.)៕