វិធីមួយចំនួនដែលអាចដាស់អ្នក ពីជម្ងឺខ្ជិល
តើអ្នកធ្លាប់ទុកចានឱ្យគរចោលច្រើនរហូតដល់អត់មានអីប្រើ ហើយបានលាងអត់? ធ្លាប់មើលមេរៀននៅពេលមួយយប់មុនពេលប្រឡង នៅពេលដែលគ្រូទុកពេលឱ្យមួយខែដើម្បីមើលមេរៀនអត់?
អ្នកតែងព្យាយាមប្រាប់ខ្លួនឯងថា “ចាំស្អែក!”។ អ្នកមានដែលគិតអត់ថា ប្រសិនបើពេលល្ងាចថ្ងៃមួយ អ្នកបានធ្វើការងារហើយអស់ តើអ្នកនឹងមានអារម្មណ៍សប្បាយចិត្តយ៉ាងណាទៅ?
អ្នកនឹងមានអារម្មណ៍ល្អ សប្បាយចិត្តនៅពេលបញ្ចប់ការងារអ្វីមួយ។ វាជាផ្នែកនៃខួរក្បាលយើង ដែលវាផ្ដល់រង្វាន់តបឱ្យយើង ធ្វើឱ្យយើងសប្បាយចិត្ត។
អ្នកប្រហែលជាសម្បូរទៅដោយការងារដែលអ្នកបានកត់ទុកនៅលើក្រដាសណូត ហូរហែរជាច្រើនមុខ ហើយថាចាំថ្ងៃស្អែកឬ ថ្ងៃណាមួយនៅពេលខាងមុខបានធ្វើ បើទោះបីជាដឹងថា ទោះទុកតទៅទៀតក៏វាមិនគ្រាន់បើជាងមុនដែរ។
ភាពខ្ចិលច្រអូសជារឿងមេរោគតូចមួយដែលប៉ះពាល់ដល់ជីវិតរបស់អ្នកពីមួយពេលទៅមួយ ពេលដោយអ្នកមិនដឹងខ្លួន។ ភាគច្រើនវាជាការព្យាយាមគេចវេសពីការងារដែលលំបាក ឬការងារដែលអ្នកមិនចូលចិត្ត។
ប៉ុន្តែអ្នកគួរដឹងថា ភាពខ្ចិលច្រអូសជាទម្លាប់ មិនមែនជាលក្ខណៈតពូជ ឬមកពីកំណើតអីនោះទេ។
ការដែលយកឈ្នះភាពខ្ចិលច្រអូស ឬក៏សម្ថភាពក្នុងការធ្វើការងារដែលយើងមិនចង់ ធ្វើជាផ្នែកមួយដ៏សំខាន់ក្នុងការឈានទៅរកភាពជោគជ័យ។
ភាពខ្ចិលច្រអូសនេះត្រូវបានគេជឿថាមានពីរប្រភេទ។ ប្រភេទទីមួយខ្ចិលដោយសារតែ អ្នកបានធ្វើការពេញមួយថ្ងៃ ខំប្រឹងធ្វើអស់ពីពោះ ធ្វើឱ្យអ្នកមានអារម្មណ៍ខ្ចិល មិនចង់ធ្វើអ្វីតទៅទៀត។
ចំណែកប្រភេទទីពីរវិញគឺ ភាពខ្ចិលច្រអូសដែលអ្នកមិនមានចិត្តក្នុងការធ្វើការងារតទៅទៀត។ គ្រប់ពេលដែលអ្នកគិតពីការងារអ្វីមួយដែលអ្នកចង់ធ្វើ ឬសម្រេច អ្នកមិនមានកម្លាំងចិត្ត ឬក៏អ្វីមួយជម្រុញទឹកចិត្តអ្នកឱ្យធ្វើការងារនោះ។ តើអ្នកត្រូវជម្នះវាដោយវិធីណា?
ចាប់ផ្ដើមជំហានទីមួយ
ជាទូទៅ គម្រោងដែលអ្នកគ្រោងទុកមិនសូវជាចេញផ្លែផ្កា ដោយសារតែវាមានលក្ខណៈមើលទៅដូចធំ ឬច្រើនលើសលប់ពេក ហេតុនេះហើយបានជារឿងដែលលំបាកបំផុតដំបូងណឹង គឺចាប់ផ្ដើមធ្វើ។
និយាយបែបសាមញ្ញ អ្នកអាចបំបែកការងារនោះមកជាផ្នែកតូចៗ វានឹងមិនធ្វើឱ្យអ្នកមានអារម្មណ៍ថាការងារនោះលំបាក ឬធំពេកនោះទេ។ អ្នកក៏អាចនឹងមានអារម្មណ៍ធូរស្រាលក្នុងផ្លូវចិត្តដែរ។
អ៊ីចឹងជំនួសឱ្យការដាក់សម្ពាធមកលើខ្លួនឯងដោយភាពខ្ចិលច្រអូសរបស់អ្នក អ្នកគួរប្ដេជ្ញាចិត្តឈានជំហានកូនក្មេងខ្លីរបស់ខ្លួនជាលើកដំបូង។
ជាឧទាហរណ៍អ្នកអាចចាប់ផ្ដើមរត់ហាត់ប្រាណដំបូង ដោយប្រើពេលត្រឹម៣នាទីសិន។ ចាប់ផ្ដើមលាងចាន ដោយចំណាយពេលមិនលើសពី១៥នាទី។ ចាប់ផ្ដើមមើលមេរៀន១០នាទីទៅ។ អ្នកអាចដាក់ម៉ោងរោទ៍ ២០នាទីហើយ ចាំផ្ទៀងលទ្ធផលថា ២០នាទីនេះអ្នកធ្វើបានអ្វីខ្លះ។
លទ្ធផលអាចនឹងជម្រុញទឹកចិត្តអ្នកឱ្យធ្វើការងារបន្តទៀត។ ប៉ុន្តែបើអត់ទេ យ៉ាងហោចណាស់ក៏អ្នកបានធ្វើការងារខ្លះដែរ។ ផ្នែកដែលពិបាកនៃការធ្វើការងារ គឺងើបឡើង ហើយចាប់ផ្ដើមធ្វើ។
សណ្ដាប់ធ្នាប់
ចំណុចសំខាន់មួយទៀតក្នុងយកជម្នះភាពខ្ចិលច្រអូសរបស់អ្នកគឺ ការរស់នៅដែលមានរបៀបរៀបរយមានសណ្ដាប់ធ្នាប់។
មានពេលខ្លះយើងចង់ធ្វើការងារមួយឱ្យចប់សព្វគ្រប់មានផលិតភាពការងារខ្ពស់ ប៉ុន្តែភាពរញ៉េរញៃ របស់របរពង្រាយពាសវាលពាសកាលឥតសណ្ដាប់ធ្នាប់បានធ្វើឱ្យយើងមានអារម្មណ៍ថាហាក់ដូចជាពិបាកធ្វើការ ឬមិនអាចចាប់ផ្ដើមធ្វើការបាន។
អ្វីៗដែលនៅជុំវិញខ្លួនអ្នកមានឥទ្ធិពលមួយចំណែកធំដែរទៅលើអារម្មណ៍របស់អ្នក។ កន្លែងធ្វើការដែលស្អាតនឹងធ្វើឱ្យអ្នកមានអារម្មណ៍ធ្វើការ និងមានផលិតភាពការងារខ្ពស់។
ហេតុនេះចំណាយពេលខ្លះរៀបចំកន្លែងធ្វើការរបស់អ្នកឱ្យមានរបៀបរៀបរយ។ ចាប់ពីបន្ទប់ទាំងមូល តុធ្វើការ រហូតដល់File ដែលមាននៅក្នុងកុំព្យូទ័រ។ ធ្វើឱ្យអ្វីៗមានលក្ខណៈងាយស្រួល និង ងាយរកពេលត្រូវប្រើ។
នៅពេលដែលផ្ទះ ឬបន្ទប់ធ្វើការរបស់អ្នកស្អាតមានរបៀប អ្នកនឹងមានទឹកចិត្តធ្វើការងារកាន់តែបានច្រើនជាងមុន។
នៅតែខ្ចិលទៀតអត់?
តើអ្នកធ្លាប់ទុកចានឱ្យគរចោលច្រើនរហូតដល់អត់មានអីប្រើ ហើយបានលាងអត់? ធ្លាប់មើលមេរៀននៅពេលមួយយប់មុនពេលប្រឡង នៅពេលដែលគ្រូទុកពេលឱ្យមួយខែដើម្បីមើលមេរៀនអត់?
អ្នកតែងព្យាយាមប្រាប់ខ្លួនឯងថា “ចាំស្អែក!”។ អ្នកមានដែលគិតអត់ថា ប្រសិនបើពេលល្ងាចថ្ងៃមួយ អ្នកបានធ្វើការងារហើយអស់ តើអ្នកនឹងមានអារម្មណ៍សប្បាយចិត្តយ៉ាងណាទៅ?
អ្នកនឹងមានអារម្មណ៍ល្អ សប្បាយចិត្តនៅពេលបញ្ចប់ការងារអ្វីមួយ។ វាជាផ្នែកនៃខួរក្បាលយើង ដែលវាផ្ដល់រង្វាន់តបឱ្យយើង ធ្វើឱ្យយើងសប្បាយចិត្ត។
អ្នកប្រហែលជាសម្បូរទៅដោយការងារដែលអ្នកបានកត់ទុកនៅលើក្រដាសណូត ហូរហែរជាច្រើនមុខ ហើយថាចាំថ្ងៃស្អែកឬ ថ្ងៃណាមួយនៅពេលខាងមុខបានធ្វើ បើទោះបីជាដឹងថា ទោះទុកតទៅទៀតក៏វាមិនគ្រាន់បើជាងមុនដែរ។
ភាពខ្ចិលច្រអូសជារឿងមេរោគតូចមួយដែលប៉ះពាល់ដល់ជីវិតរបស់អ្នកពីមួយពេលទៅមួយ ពេលដោយអ្នកមិនដឹងខ្លួន។ ភាគច្រើនវាជាការព្យាយាមគេចវេសពីការងារដែលលំបាក ឬការងារដែលអ្នកមិនចូលចិត្ត។
ប៉ុន្តែអ្នកគួរដឹងថា ភាពខ្ចិលច្រអូសជាទម្លាប់ មិនមែនជាលក្ខណៈតពូជ ឬមកពីកំណើតអីនោះទេ។
ការដែលយកឈ្នះភាពខ្ចិលច្រអូស ឬក៏សម្ថភាពក្នុងការធ្វើការងារដែលយើងមិនចង់ ធ្វើជាផ្នែកមួយដ៏សំខាន់ក្នុងការឈានទៅរកភាពជោគជ័យ។
ភាពខ្ចិលច្រអូសនេះត្រូវបានគេជឿថាមានពីរប្រភេទ។ ប្រភេទទីមួយខ្ចិលដោយសារតែ អ្នកបានធ្វើការពេញមួយថ្ងៃ ខំប្រឹងធ្វើអស់ពីពោះ ធ្វើឱ្យអ្នកមានអារម្មណ៍ខ្ចិល មិនចង់ធ្វើអ្វីតទៅទៀត។
ចំណែកប្រភេទទីពីរវិញគឺ ភាពខ្ចិលច្រអូសដែលអ្នកមិនមានចិត្តក្នុងការធ្វើការងារតទៅទៀត។ គ្រប់ពេលដែលអ្នកគិតពីការងារអ្វីមួយដែលអ្នកចង់ធ្វើ ឬសម្រេច អ្នកមិនមានកម្លាំងចិត្ត ឬក៏អ្វីមួយជម្រុញទឹកចិត្តអ្នកឱ្យធ្វើការងារនោះ។ តើអ្នកត្រូវជម្នះវាដោយវិធីណា?
ចាប់ផ្ដើមជំហានទីមួយ
ជាទូទៅ គម្រោងដែលអ្នកគ្រោងទុកមិនសូវជាចេញផ្លែផ្កា ដោយសារតែវាមានលក្ខណៈមើលទៅដូចធំ ឬច្រើនលើសលប់ពេក ហេតុនេះហើយបានជារឿងដែលលំបាកបំផុតដំបូងណឹង គឺចាប់ផ្ដើមធ្វើ។
និយាយបែបសាមញ្ញ អ្នកអាចបំបែកការងារនោះមកជាផ្នែកតូចៗ វានឹងមិនធ្វើឱ្យអ្នកមានអារម្មណ៍ថាការងារនោះលំបាក ឬធំពេកនោះទេ។ អ្នកក៏អាចនឹងមានអារម្មណ៍ធូរស្រាលក្នុងផ្លូវចិត្តដែរ។
អ៊ីចឹងជំនួសឱ្យការដាក់សម្ពាធមកលើខ្លួនឯងដោយភាពខ្ចិលច្រអូសរបស់អ្នក អ្នកគួរប្ដេជ្ញាចិត្តឈានជំហានកូនក្មេងខ្លីរបស់ខ្លួនជាលើកដំបូង។
ជាឧទាហរណ៍អ្នកអាចចាប់ផ្ដើមរត់ហាត់ប្រាណដំបូង ដោយប្រើពេលត្រឹម៣នាទីសិន។ ចាប់ផ្ដើមលាងចាន ដោយចំណាយពេលមិនលើសពី១៥នាទី។ ចាប់ផ្ដើមមើលមេរៀន១០នាទីទៅ។ អ្នកអាចដាក់ម៉ោងរោទ៍ ២០នាទីហើយ ចាំផ្ទៀងលទ្ធផលថា ២០នាទីនេះអ្នកធ្វើបានអ្វីខ្លះ។
លទ្ធផលអាចនឹងជម្រុញទឹកចិត្តអ្នកឱ្យធ្វើការងារបន្តទៀត។ ប៉ុន្តែបើអត់ទេ យ៉ាងហោចណាស់ក៏អ្នកបានធ្វើការងារខ្លះដែរ។ ផ្នែកដែលពិបាកនៃការធ្វើការងារ គឺងើបឡើង ហើយចាប់ផ្ដើមធ្វើ។
សណ្ដាប់ធ្នាប់
ចំណុចសំខាន់មួយទៀតក្នុងយកជម្នះភាពខ្ចិលច្រអូសរបស់អ្នកគឺ ការរស់នៅដែលមានរបៀបរៀបរយមានសណ្ដាប់ធ្នាប់។
មានពេលខ្លះយើងចង់ធ្វើការងារមួយឱ្យចប់សព្វគ្រប់មានផលិតភាពការងារខ្ពស់ ប៉ុន្តែភាពរញ៉េរញៃ របស់របរពង្រាយពាសវាលពាសកាលឥតសណ្ដាប់ធ្នាប់បានធ្វើឱ្យយើងមានអារម្មណ៍ថាហាក់ដូចជាពិបាកធ្វើការ ឬមិនអាចចាប់ផ្ដើមធ្វើការបាន។
អ្វីៗដែលនៅជុំវិញខ្លួនអ្នកមានឥទ្ធិពលមួយចំណែកធំដែរទៅលើអារម្មណ៍របស់អ្នក។ កន្លែងធ្វើការដែលស្អាតនឹងធ្វើឱ្យអ្នកមានអារម្មណ៍ធ្វើការ និងមានផលិតភាពការងារខ្ពស់។
ហេតុនេះចំណាយពេលខ្លះរៀបចំកន្លែងធ្វើការរបស់អ្នកឱ្យមានរបៀបរៀបរយ។ ចាប់ពីបន្ទប់ទាំងមូល តុធ្វើការ រហូតដល់File ដែលមាននៅក្នុងកុំព្យូទ័រ។ ធ្វើឱ្យអ្វីៗមានលក្ខណៈងាយស្រួល និង ងាយរកពេលត្រូវប្រើ។
នៅពេលដែលផ្ទះ ឬបន្ទប់ធ្វើការរបស់អ្នកស្អាតមានរបៀប អ្នកនឹងមានទឹកចិត្តធ្វើការងារកាន់តែបានច្រើនជាងមុន។
នៅតែខ្ចិលទៀតអត់?
ពេលខ្លះអ្នកអាចរកមនុស្សទុកចិត្តម្នាក់ អាចជាបងប្អូន ឬមិត្តភក្កិអ្នក។ ពេលខ្លះកត្តាមិត្តភក្តិ ឬបងប្អូនជម្រុញ អាចដោះស្រាយបញ្ហាខ្ចិលច្រអូសរបស់យើងបាន។
វាជាវិធីមួយល្អដែលអ្នកអាចរកអ្នកដ៏ទៃឱ្យជួយអ្នកបាន។ អ្នកអាចប្រើប្រាស់លុយដើម្បីជួយអ្នកបាន។ ឧទាហរណ៍ នៅពេលដែលអ្នកមិនបានធ្វើការងារដែលអ្នកព្រាងទុកបានសម្រេច អ្នកត្រូវឱ្យលុយ ១ម៉ឺនរៀលទៅមិត្តភក្តិ ឬបងប្អូនដែលអ្នកឱ្យជួយជម្រុញអ្នកកុំឱ្យខ្ចិលនេះ។
ធ្វើបែបនេះឱ្យបានជាប់លាប់មិនយូរទេអ្នកនឹងឃើញលទ្ធផលជាផ្លែផ្កា នៅពេលដែលអ្នកបានសម្រេចនៅគោលដៅរបស់ខ្លួន អ្នកនឹងមានអារម្មណ៍សប្បាយចិត្តជាមួយនឹងអ្វីដែលខ្លួនធ្វើ ហើយនឹងចង់សម្រេចនូវការងារផ្សេងបន្តបន្ទាប់ទៀត។ ពេលនោះហើយដែលភាពខ្ចិលច្រអូសរបស់អ្នកចាប់ផ្ដើមស្លាប់បន្តិចម្ដងៗ។ យូរៗទៅអ្នកក៏បាត់នូវទម្លាប់ខ្ចិលច្រអូសនោះ។
