១៣ចំណុចសម្រាប់ដំណើរទៅរកភាពជោគជ័យ
ប៉ុន្តែមិនមានបុគ្គលច្រើនរូបទេដែលមើលឃើញពីទំហំការងារ ភាពនឿយហត់ ការអំណត់តស៊ូ ពុះពារនិងខិតខំប្រឹងប្រែងដែលស្ថិតនៅខាងក្រោយរូបភាពទាំងនោះ។ យ៉ាងណាមិញ ភាពជោគជ័យក៏មិនមានអត្ថន័យដូចគ្នាសម្រាប់បុគ្គលគ្រប់រូបដែរ
ព្រោះសេចក្តីស្រាលាញ់និងក្តីសុបិន្តរបស់មនុស្សម្នាក់ៗសុទ្ធតែប្លែកពីគ្នា។ ទោះអ្នកមានគោលដៅបែបណាក៏ដោយ មានចំណុច១៣ដែលអ្នកគួរយកទៅពិចារណាដើម្បីអាចទាញជាជំនួយផ្លូវចិត្តសម្រាប់ការបង្រៀនខ្លួនឯងនៅក្នុងដំណើរទៅកាន់និយមន័យនៃពាក្យជ័យជំនះរបស់អ្នក។
ចំណុចទី១៖ កុំខ្ជះខ្ជាយពេលវេលាលើការបន្ទោសខ្លូនឯង
ជីវិតគឺមានភាពលំបាករួចទៅហើយ ចុះតើហេតុអ្វីត្រូវបន្ថែមបន្ទុកបន្ទោសខ្លួនឯងទៀត? នៅក្នុងជីវិតរស់នៅមនុស្សម្នាក់ណាក៏តែងមានកំហុស។ ហើយវាជារឿងធម្មតាដែលនៅពេលអ្នកធ្វើច្រើនគឺខុសច្រើន ប៉ុន្តែអ្នកមិនត្រូវគេចវេសឬបណ្តោយឲ្យកំហុសទាំងនោះមានឥទ្ធិពលគ្រប់គ្រងលើអ្នកទេ។ អ្នកត្រូវទទួលស្គាល់ថាអ្នកបានធ្វើខុស ហើយសួរមតិយោបល់អ្នកផងនិងស្វែងរកដើមហេតុនៃកំហុសនោះមកសិក្សាដើម្បីរៀន និងអភិវឌ្ឍខ្លួន។ គ្មាននរណាម្នាក់អាចឈានមួយជំហ៊ានដល់ ត្រើយ ឬលើកំពូលភ្នំនោះទេ ដូច្នេះកុំខ្ជះខ្ជាយពេលវេលាបន្ទោសខ្លួនឯងនៅពេលវង្វេងផ្លូវ។
ចំណុចទី២៖ កុំអនុញ្ញាតឲ្យអ្នកដទៃមានអំណាចលើអារម្មណ៍អ្នក
តើអ្នកណាម្នាក់ដែលស្គាល់អ្នកច្បាស់ជាងគេ?គឺខ្លួនអ្នក។ មានតែអ្នកម្នាក់គត់ដែលស្គាល់និងអាចគ្រប់គ្រងលើអារម្មណ៍ខ្លួនឯង ។ វាអាចមានរឿងច្រើនដែលហួសពីការគ្រប់គ្រងរបស់អ្នក តែមានរឿងតែមួយគត់ដែលអ្នកតែងតែអាចគ្រប់គ្រងបានគឺការឆ្លើយតបនិងឥរិយាបថរបស់អ្នក។ ដូច្នេះត្រូវរៀនធ្វើវាឲ្យក្លាយជាចំនុចខ្លាំង។
ចំណុចទី៣៖ មិនខ្មាស មិនខ្លាចចំពោះការកែប្រែ
អ្នកត្រូវចងចាំថាអំណួតក្អេងក្អាងគឺជាជំងឺដែលសូម្បីតែទេវត្តាមិនអាចព្យាបាលបាន ហើយភ្នំមួយខ្ពស់តែងតែនៅមានភ្នំមួយទៀតដែលខ្ពស់ជាង។ អ្នកត្រូវរៀនបើកចិត្តឲ្យទូលាយ ទទួលយកនូវគំនិតអ្នកដទៃនិងលះបង់ចិត្តមានះការពារមុខមាត់ហួសហេតុដែលជាដើមហេតុចម្បងនៃការជាប់ទ្រឹងមួយកន្លៃង។ កុំខ្លាចការបាក់មុខ តែត្រូវខ្លាចការឈរទ្រឹងមួយកន្លែង។
ចំណុចទី៤៖ ត្រូវកាត់បន្ថយទម្លាប់រអ៊ូ
នៅពេលស្ថិតនៅក្នុងស្ថានភាពអាក្រក់ តើអ្នករអ៊ូដែរឬទេ? ហើយនៅពេលដែលអ្នកកាន់តែគិតពីវា វាកាន់តែបន្ថែមទម្ងន់នៃចិត្តដែលកំពុងតឹងតែងមែនទេ? ហើយវាជួយដោះស្រាយបញ្ហាបានដែរឬទេ? ដូចនេះរអ៊ូរទាំគឺជាការខាតបង់ពេលវេលាដើម្បីរកដំណោះស្រាយទៅវិញទេ ថែមទាំងបង្កើតស្ថានភាពកាន់តែលំបាកថែមទៀត។
ចំណុចទី៥៖ កុំព្យាយាមតម្រូវចិត្តគេគ្រប់គ្នា
តើអ្នកមានមិត្តភ័ក្រ្តណាដែលតែងតែផ្គាប់ចិត្តគេ? ឬមិត្តភក្រ្តណាដែលមិនខ្វល់ការប៉ះពាល់ទៅលើគេឯងសោះដើម្បីបង្ហាញថាគេនឹងខ្លាំង? អត្តចរិកទាំងពីរនេះមិនមានមួយណាប្រសើរជាងគ្នាទេ។អ្នកគួរចាប់យកអត្តចរិកដែលរួសរាយតែមិនផ្គាប់ចិត្ត និងហ៊ានបញ្ចេញការយល់់ឃើញដោយមិនរអា។ត្រូវហ៊ាននិយាយអ្វីដែលអ្នកគិតថាគួរទោះបីវាអាចធ្វើឲ្យមនុស្សមួយចំនួនមានការតូចចិត្តឬមិនសប្យាយ។
ចំណុចទី៦៖ ខ្លាចច្រើន បង្ហាញពីភាពខ្សោយតែមិនបង្ហាញពីការគោរពទេ
ភាពភ័យខ្លាចទៅលើហានិភ័យរបស់គ្រោងការណ៍ណាមួយដោយគ្មានការពិចារណាគឺបង្ករជាការខាតបង់។ អ្នកត្រូវចេះសិក្សានិងថ្លឹងថ្លែងទៅលើផលចំណេញរួមជាមួយហានិភ័យដែលរំពឹងទុក ទើបអាចមើលឃើញ ពីសក្តានុពលរំពឹងទុករបស់គម្រោងនីមួយៗ។
ចំណុចទី៧៖ កុំរស់នៅក្នុងអតីតកាល
កុំខូចចិត្តចំពោះកំហុសក្នុងអតីតកាល ព្រោះអ្នកមិនអាចកែប្រែវាបានទេ។ វាបានហួសទៅហើយ។ អ្នកគួរតែយកថាមពលដែលកំពុងមានមកបំពេញកិច្ចការងារនៅថ្ងៃនេះឲ្យបានល្អបំផុតដើម្បីបន្តជំហានទៅលើកំពូលភ្នំនៃក្តីសុបិន្តអ្នកវិញ។ ហើយអ្វីដែលកន្លងហួសគឺជាមេរៀនសម្រាប់អនាគត។
ចំណុចទី៨៖ ឈប់បង្កកំហុសដដែលៗ
តើអ្នកគិតថាថ្ងៃនេះអ្នកអាចបន្តជំហានទៅលើកំពូលភ្នំទេ បើសិនអ្នកសម្រេចចិត្តដើរទៅកាន់ផ្លូវដែលអ្នកធ្លាប់ទៅ១ដងរួចមកហើយដោយសារអ្នកចង់ឃើញទេសភាពដ៏ស្រស់ស្អាតនៃកន្លែងនោះ? ប្រាកដណាស់អ្នកគឺស្ថិតនៅទីតាំងដូចកាលពីម្សិលមិញ។ តើធ្វើបែបនេះខុសមែនទេ? វាមិនមែនខុសទាំងស្រុងនោះទេ។ មានពេលខ្លះ អ្នកគួរតែអនុញ្ញាតឲ្យខ្លួនអ្នកបានសម្រាកនិងលំហែកចិត្តមួយរយៈ។ ក៏ប៉ុន្តែអ្នកមិនត្រូវសម្រាករហូតនោះទេ។ អ្នកត្រូវជំនះចិត្តចង់ឃើញទេសភាពស្អាតដើម្បីបន្តដំណើរទៅលើកំពូលភ្នំនៃក្តីសុបិន្ត។
ចំណុចទី៩៖ មានចិត្តត្រេកអរសម្រាប់ជោគជ័យអ្នកផង
តើអ្នកមានអារម្មណ៍ថាច្រណែនដែរឬទេនៅពេលឃើញមិត្តឬអ្នកស្គាល់គ្នាទទួលបានពានរង្វាន់កិត្តិយស ហើយបានចេញមុខតាមការសែត ទស្សនាវដ្តី និងទូរទស្សន៍? យើងចង់ប្រាប់អ្នកថា បើសិនអ្នកមានអារម្មណ៍ច្រណែនគឺអ្នកមិនមែនជាមនុស្សអាក្រក់ទេ ហើយអ្នកក៏មិនមែនមានតែម្នាក់ឯងដែរ។ អ្នកអាចមានចិត្តច្រណែនព្រោះអ្នកជាមនុស្ស តែអ្នកនឹងខុសបើសិនអ្នកមិនចេះគ្រប់គ្រងវា។ ត្រូវរៀនបើកចិត្តទទួលស្គាល់ការពិត តែមិនត្រូវមើលស្រាលខ្លួនឯង។ ត្រូវបន្តខិតខំលើកិច្ចការងារខ្លួន។ សូមបញ្ជាក់សារជាថ្មីថាភាពជោគជ័យដែលអ្នកមើលឃើញនៅលើអ្នកដទៃមិនមែនបានមកក្នុងរយៈពេលមួយយប់ទេ។
ចំណុចទី១០៖ ងាយចុះចាញ់នឹងការងារលំបាក
ការងារណាក៏លំបាកដែរព្រោះអ្នកកើតមកមិនមែនចេះអ្វីសព្វគ្រប់ដូចតួអង្គមានយុទ្ធសីល្ប៍ក្នុងរឿងភាពយន្តឯណា។ វាគ្មានការងារណាដែលមិនលំបាកនោះទេ។ អ្នកមិនត្រូវចិញ្ចឹមចិត្តចង់បានភាពជោគជ័យដោយមិនខំប្រឹងឡើយ ព្រោះវាគ្មានថ្ងៃអាចក្លាយជាការពិតឡើយ។ បំណាច់ចង់សម្រេចសុបិន្តត្រូវហ៊ានជម្រុះចិត្ត ចូលចិត្តសប្បាយ និយាយគ្មានការអនុវត្ត រអ៊ូច្រើន បន្ទោសអ្នកដទៃ។ល។ ហើយដាក់ចិត្តត្រៀមខ្លួនប្រឈមមុខនឹងឧបសគ្គដែលអាចកើតមានឡើងនៅខាងមុខ។ ធ្វើបណ្តើររៀនបណ្តើរ។ ការងារកាន់តែលំបាកកឺជាគ្រូដ៏ពូកែ។
ចំណុចទី១១៖ មិនត្រូវខ្លាចចំពោះការនៅម្នាក់ឯង
នៅក្នុងក្រុមក៏អ្នករីករាយ នៅម្នាក់ឯងក៏អ្នកអាចរីករាយបានដែរ។ គ្នានអ្វីជាបញ្ហាទេ។ ចូរកុំខ្លាច។ អ្នកគួរចំណាយពេលខ្លះសម្រាប់ខ្លួនឯងក្នុងការប្រមើមើលផលិតភាពការងារ ឥរិយាបថការងារក៏ដូចជាអត្តចរិកកន្លងមកដើម្បីធ្វើការវាយតម្លៃខ្លួនឯងក្នងគោលបំណងកែប្រែនិងអភិវឌ្ឍន៍។ មួយវិញទៀតអ្នកអាចព្រាងគម្រោងបន្ទាប់ និងបង្កើនគំនិតច្នៃប្រឌិតបន្ថែម។ ម្នាក់ឯងមិនស្លាប់ទេ។
ចំណុចទី១២៖ សូមកុំភ្លេចថាជីវិតគឺជាការតស៊ូ
ដោយសារតែមិនធ្លាប់ជួបការលំបាកក្នុងជីវិត មនុស្សមួយចំនួនក៏ផ្តេកផ្តួលជឿស្លុងថាគេគឺជាមនុស្សដែលមានសំណាងឬថាមិនចាំបាច់ខំប្រឹងធ្វើអ្វីព្រោះយល់ថាភោគផលនឹងបានមកដោយឯងៗសម្រាប់ពួកគេ។ ជិវិតមួយនេះជារបស់អ្នក អ្នកជាមនុស្សដែលមានអំណាចបំផុតលើការកំណត់ជោគវាសនាខ្លួន។ កសាងជីវិតខ្លួនឯងឬទោរទន់តាមអ្នកដទៃ? ខំរកឬខំចាយ? តស៊ូឬបោះបង់? ពុះពារឬខ្ជិលច្រអូស? ធ្វើច្រើនឬបានតែនិយាយ?…ទាំងអស់នេះគឺជាជម្រើសរបស់អ្នក។ តើអ្នកចង់គូសវាសជីវិតមួយនេះដោយបែបណា?គឺមានតែអ្នកទេទើបមានចម្លើយ ចំណែកអ្នកនិព
ចំណុចទី១៣៖ ភាពជោគជ័យតែងតែទាមទារពេលវេលា
គ្មានការងារមុខណាដែលធ្វើម្តងបានលទ្ធផលល្អឥតខ្ជោះនោះទេ។ ចង់បានជ័យជំនះត្រូវចេះអត់ធ្មត់និងមានជំនាញមួយច្បាស់លាស់។ ចង់ចេះជំនាញមួយស្ទាត់ ត្រូវអនុវត្តឲ្យញឹក។ គ្មានភាពជោគជ័យណាដែលអាចកើតមានត្រឹមរយៈពេលមួយយប់នោះទេ។ ហើយភាពជោគជ័យកិនប្រាកដថា ភាពមានបានតែមួយនោះទេ គឺវាអាស្រ័យលើបុគ្គលម្នាក់ៗតែប៉ុណ្ណោះ៕
