មកមើល សំណង់មហិមារអគារផ្ដេកនៅចិន ជិតបញ្ជប់ការសាងសង់តម្លៃជាង ៣ប៊ីលានដុល្លារ
ទីក្រុងរណបដ៏ធំដែលមានបណ្ដុំអគារខ្ពស់ៗចំនួន ៨នេះចំណាយទឹកប្រាក់សាងសង់មហិមាដល់ ៣,៥៩លានដុល្លារនៅក្នុងទីក្រុង Chongging ភាគនិរតីប្រទេសចិន។ អគារផ្ដេកស្ថិតនៅកម្ពស់ ៦០ជាន់មានប្រវែងសរុប ២៩៩ម៉ែត្រអមដោយកញ្ចក់ជុំវិញគួរឲ្យទាក់ទាញ។ គម្រោងដ៏មហិមានេះ ត្រូវបានវិនិយោគទុនដោយក្រុមហ៊ុនអចលនទ្រព្យសិង្ហបុរី CapitaLand ដែលមានហាងលក់ទំនិញ និងអគារការិយាល័យជាច្រើនទូទាំងប្រទេសចិន។
ក្រោយការបញ្ចប់សាងសង់ ទីក្រុងរណបនេះមានសម្បូរបែបទៅដោយការិយាល័យ, អាផាតមិន, សណ្ឋាគារ និងមជ្ឈមណ្ឌលមធ្យោបាយធ្វើដំណើររួមមានសាឡាង, រថភ្លើងក្រោមដី និងឡានក្រុង ក៏ដូចជាផ្សារទំនើបដែលមានហាងជាង ៤៥០កន្លែងផងដែរ។ នៅលើអគារផ្ដេកនេះ អ្នកទស្សនានឹងអាចមើលឃើញទិដ្ឋភាពនៃទន្លេ Yangtze និង Jialing នៅតំបន់ដែលមានប្រជាជនរបស់នៅប្រមាណជា ៣០លាននាក់។
គួរឲ្យដឹងដែរថា គម្រោងនេះត្រូវបានរចនាដោយស្ថាបត្យករជនជាតិកាណាដា-អ៊ីស្រាអ៊ែល Moshe Safdie ដែលស្ថាបត្យករនៅពីក្រោយអគារ Marina Bay Sands ក្នុងប្រទេសសិង្ហបុរីផងដែរ៕
