Nick Vujicic ពីជីវិតគ្មានដៃគ្មានជើងអស់សង្ឃឹម ក្រោកឈរបើកអង្គការ លើកទឹកចិត្តមនុស្សជុំវិញពិភពលោក
លោក Nick Vujicic បានបើកអង្គការ មិនផ្តោតលើប្រាក់ចំណេញតាំងពីអាយុ១៧ឆ្នាំមកម្លេះ ខណៈ បើកអង្គការ មួយនេះ បានជួយលើកទឹកចិត្តមនុស្សរាប់លាននាក់នៅជុំវិញពិភពលោក។ បុរសអភ័ព្ទរូបកាយតាំងពីកំណើតរូបនេះ បានបើកអង្គការមួយមានឈ្មោះថា “Life Without Limbs” ដែលបានដើរជាង៥៧ប្រទេស ដើម្បីលើកទឹកចិត្តយុវវ័យ និងជៀសឆ្ងាយពីជម្ងឺបាក់ទឹកចិត្ត។
លោក Nick Vujicic សញ្ជាតិអូស្រ្តាលីបានកើតនៅឆ្នាំ១៩៨២ នៅទីក្រុង Melbourne ពេលកើតមកមិនមានអវយវៈគ្រប់គ្រាន់ដូចទារកដទៃឡើយ។ លុះអាយុ៨ឆ្នាំ ព្រោះតែអស់សង្ឃឹមដោយសារតែមិត្តភក្តិក្នុងសាលាបង្អាប់ និងរើសអើងពេក Nick ស្ទើរតែគិតលោតទឹកសម្លាប់ខ្លួនទៅហើយ។
ប៉ុន្តែដោយសារតែការលើកទឹកចិត្តពីឪពុកម្តាយរបស់គាត់ ទើបគាត់អាចក្រោកឡើងម្តងទៀត ហើយប្រឹងប្រែងរៀនសូត្រជាងមុន ប្រើប្រាស់អ្វីដែលគាត់មានបានច្រើនជាងមុន និងលែងគិតចង់បោះបង់ជីវិតខ្លួនឯងចោលម្តងទៀត ។
លោក Nick Vujicic បានចាប់ផ្តើមនិយាយជាសាធារណៈដំបូងនៅអាយុ ១៧ឆ្នាំ និងបានបង្កើត បើកអង្គការមិនស្វែងរកប្រាក់ចំណេញមួយឈ្មោះថា ” Life Without Limbs ” ក្នុងពេលជាមួយគ្នានេះ។ អង្គការនេះបានរៀបចំសិក្ខាសិលាស្ទើរជុំវិញពិភពលោក ដែលវាគ្មិនលើកទឹកចិត្តគឺជាNick ផ្ទាល់ ដែលបានរៀបចំផ្តោតទៅលើបញ្ហាយុវវ័យនៅ៥៧ប្រទេសបានចូលរួមរហូតដល់ ជាង៣លាននាក់ឯណោះកាលពីឆ្នាំ២០១៥ ។
ស្ថាបនិកអង្គការរូបនេះធ្លាប់ទទួលបានពានរង្វាន់យុវជនអូស្រ្តាលីឆ្នើមប្រចាំឆ្នាំ ២០១៥ ក្រោយបើកអង្គការលើកទឹកចិត្តបានជាង១០ឆ្នាំ ខណៈបច្ចុប្បន្នបុរសជំនាញខាងលើកទឹកចិត្តយុវវ័យរូបនេះមានទ្រព្យសម្បត្តិជាងកន្លះលានដុល្លារឯណោះ
នៅពេលដែលអ្នកជួបបរាជ័យ អ្នកមានជម្រើស២ តើអ្នកជ្រើសរើសយកការបោះបង់ ឬក្រោកឡើងជាថ្មីទៀត