កុំអស់សង្ឃឹមបើបរាជ័យ ព្រោះបុគ្គល ជោគជ័យ៥នាក់ក្នុងលោកនេះ ក៏ធ្លាប់បរាជ័យរាប់ដងមិនអស់ដែរ!
កុំអស់សង្ឃឹមបើបរាជ័យ ព្រោះបុគ្គល ជោគជ័យ៥នាក់ក្នុងលោកនេះ ក៏ធ្លាប់បរាជ័យរាប់ដងមិនអស់ដែរ!
ដើម្បីសម្រេចគោលដៅដែលខ្លួនចង់ បាន គឺមិនមែនជារឿងងាយស្រួល នោះឡើយ ហើយក៏ជៀសមិនផុតពីការ បរាជ័យដែរ។ ការបរាជ័យ គឺជាមេរៀនមួយដ៏សំខាន់ដែលជួយឲ្យអ្នក អាចពង្រឹងសមត្ថភាព និង ភាពខ្វះចន្លោះមិនទាន់បំពេញ។ ដូច្នេះហើយ នៅពេលជួបរឿងបរាជ័យ កុំអស់សង្ឃឹមឲ្យសោះ ហើយត្រូវតស៊ូរហូតសម្រេចតាមបំណង។
ខាងក្រោមនេះ គឺជាបុគ្គលទាំង៥រូបដែលបរាជ័យច្រើនដង ទម្រាំសម្រេចតាមក្តីប្រាថ្នារបស់ខ្លួន៖
1.លោក Milton Hershey អតីតម្ចាស់ក្រុមហ៊ុនThe Hershey Chocolate Companyរបស់អាមេរិក៖ មុនពេលជោគជ័យក្នុងមុខជំនួញ លោកMilton Hershey បានបម្រើការងារនៅក្នុងរោងចក្រស្ករគ្រាប់មួយ។ ក្រោយមកទៀតលោក បានសម្រេចចិត្តរកស៊ីដោយខ្លួនឯង ប៉ុន្តែមិនទទួលជោគជ័យនោះឡើយ ពោលគឺបរាជ័យចំនួន៣លើកជាប់ៗគ្នា។ ការបរាជ័យនេះ ធ្វើឲ្យលោកអស់សង្ឃឹមខ្លាំង ហើយក៏ត្រលប់ទៅធ្វើកសិកម្មលក្ខណៈគ្រួសារវិញ។ ប៉ុន្តែលោកមិនបានបោះបង់គំនិតបើកជំនួញឡើយ ហើយនៅទីនោះ Milton Hersheyបានយល់ច្បាស់អំពីវិធីបង្កើតស្ករគ្រាប់ដែលមានរសជាតិសូកូឡាទឹកដោះគោ។ នៅទីបំផុត លោកក៏បានជោគជ័យយ៉ាងធំធេងលើជំនួញផ្នែកផលិតស្ករគ្រាប់ ដោយបើកក្រុមហ៊ុនធំមួយឈ្មោះថា The Hershey Chocolate Company ហើយបច្ចុប្បន្នត្រូវបានប្តូរឈ្មោះមកជា Hershey Foods Corporation។
2.លោក Theodor Giesel អតីតអ្នកនិពន្ធដ៏ល្បីរបស់អាមេរិក៖ មុនពេលជោគជ័យផ្នែកនិពន្ធ លោកបានចាប់ផ្តើមនិពន្ធរឿងប្រលោមលោកដំបូង ហើយបានលក់នៅលើទីផ្សារ ប៉ុន្តែមិនបានជោគជ័យនោះឡើយ ហើយត្រូវបានមតិមួយចំនួនរិះគន់ស្នាដៃរបស់ Theodor Giesel ថា«អន់ដូចសំរាម»។ លោកបាននិពន្ធលក់បន្តជាច្រើនដងទៀត ប៉ុន្តែនៅតែមិនជោគជ័យ។ យ៉ាងណាក៏ដោយ លោកមិនបោះបង់ទេ ហើយក៏ចុងក្រោយលោកបានចេញលក់សៀវភៅមួយក្បាលទៀត ដែលធ្វើឲ្យមនុស្សជាច្រើនមានការចាប់អារម្មណ៍ខ្លាំង រហូតក្លាយជាអ្នកនិពន្ធមានឈ្មោះល្បីល្បាញម្នាក់។
3.លោក Albert Einstein អ្នកវិទ្យាសាស្ត្រដ៏ល្បីល្បាញលើពិភពលោក៖ មុនពេលក្លាយជា បុគ្គលដ៏ជោគជ័យ លោក Albert Einsteinបានជួបបញ្ហាជាច្រើន។ អ្វីដែលចម្លែកនោះ គឺតាំងពីក្មេងមក លោកមិនដែលនិយាយសូម្បីមួយពាក្យរហូតដល់អាយុ៤ឆ្នាំ។ នៅពេលចូលរៀននៅសាលាបឋមសិក្សា គ្រួៗបាននិយាយថា Albert Einsteinជាសិក្សាខ្ជិលបំផុតក្នុងថ្នាក់។ ប៉ុន្តែនៅទីបំផុត Albert Einstein បានក្លាយជាអ្នកវិទ្យាសាស្ត្រដ៏ល្បីល្បាញនៅលើពិភពលោក ដែលគេស្មានមិនដល់។
4.លោក Stephen King អ្នកនិពន្ធដ៏ល្បីរបស់អាមេរិក៖ នៅពេលចាប់ផ្តើមអាជីពជាអ្នកនិពន្ធដំបូង លោកStephen Kingបានបរាជ័យរហូតដល់៣០ដង។ ការបរាជ័យច្រើនដងបែបនេះ បានធ្វើឲ្យលោកបាក់ទឹកចិត្តយ៉ាងខ្លាំង។ ប៉ុន្តែដោយសារមានការលើកទឹកចិត្តពីភរិយា លោកStephen Kingក៏បានបន្តនិពន្ធ ហើយទទួលបានការពេញនិយមយ៉ាងខ្លាំងពីសំណាក់អ្នកអាន។
5.លោក Thomas Edison អ្នកបង្កើតអំពូលភ្លើងជនជាតិអាមេរិក៖ មុនពេលអាចច្នៃប្រឌិតបង្កើតអំពូលភ្លើងដោយជោគជ័យនោះ លោក Thomas Edisonបានបរាជ័យរាប់ដងមិនអស់។ ប៉ុន្តែដោយសារការតស៊ូមិនបោះបង់ ទីបំផុតលោកបានជោគជ័យក្នុងការបង្កើតអំពូលភ្លើងដំបូង ហើយលោកបាននិយាយថា៖ « មិនមែនខ្ញុំបរាជ័យនោះទេ។ ខ្ញុំគ្រាន់តែរកឃើញវិធី១០ ០០០ខុសគ្នាៗ ដែលមិនមិនទាន់ដំណើរការប៉ុណ្ណោះ»៕
Thomas-Edisonsss1